Våre berekraftsmål
Våre berekraftsmål er valgt av våre tilsette, eigarar, leiarar og andre interessentar som ramme for det vidare arbeidet med berekraft. Dei grunnleggande berekraftsmåla er nr 4, 5, 8, 9, 12, og 17 og byggjer opp om vår metode. Vår kjerneverksemd fokuserer på berekraftsmål 7 og 11. Vår overordna forplikting er berekraftsmål 13; å stoppe klimaendringane.
Vår forplikting
13 Stoppe klimaendringane
For å omstilla samfunnet og gjennomføra det grøne skiftet, treng lokalsamfunna våre tilgang til påliteleg, rimeleg og fornybar energi og høg kvalitet på digital infrastruktur. Våre satsingar bidreg til å redusera klimaavtrykk, og inngår i den globale innsatsen for å skapa ei meir berekraftig framtid.
Vår kjerneverksemd
7 Rein energi til alle
I overgangen til eit nullutsleppssamfunn speler fornybar vannkraft ei sentral rolle. Sognekraft investerer stort i framtidsretta og stabil vannkraft og straumnett. Dette er eit av måla me kan bidra mest til.
11 Berekraftige byar og lokalsamfunn
Berekraftige byar og lokalsamfunn er ei føresetnad for konsernet sin aktivitet. Det er møteplassen der me samhandlar med viktige interessentar for å lukkast i lag.
Vår metode
4 God utdanning
Grunnleggjande for berekraftig utvikling er kunnskap. Kompetent arbeidskraft vert kritisk for å lukkast med konsernet sine satsingar. Me skal vera ein pådrivar i samspel med lokalsamfunn og utdanningssystema, for å sikra utvikling av framtidas kompetanse.
5 Likestilling mellom kjønna
Likestilling mellom kjønna er avgjerande for å skapa rettferdige og inkluderande arbeidsplassar og samfunn. Me skal bryta ned kjønnsbarrierar, støtte like vilkår, og skapa eit arbeidsmiljø som fremjar like moglegheiter for alle, uavhengig av kjønn.
8 Anstendig arbeid og økonomisk vekst
Me skal levera gode økonomiske resultat til eigarar og sikra finansiell kapasitet til ny utvikling av konsernet. Me skal tilby arbeidsplassar som er lokale, trygge med rom for mangfald, og me skal krevja det same av våre leverandørar.
9 Industri, innovasjon og infrastruktur
Industri, innovasjon og infrastruktur er sentrale forretningsområde for konsernet. Me skal fremja berekraftig utvikling gjennom effektiv produksjon og ressursbruk samt utvikling av robust infrastruktur.
12 Ansvarleg forbruk og produksjon
Konsernstrategien set retning for berekraftig forbruks- og produksjonsutvikling. Mellom anna er utvikling av sirkulære verdikjeder og industriell symbiose, mindre avfall, meir resirkulering og miljøvennlege produksjonsmetodar del av strategiar, og vil bli vidareutvikla.
17 Samarbeid for å nå måla
Krafta av samarbeid er naudsynt for å takla globale utfordringar. Gjennom partnerskap og samarbeid, kan me maksimera påverknaden vår og bidra til å oppfylla berekraftsmåla.