Ei historie om berekraft
Gjennom generasjonar har tilgang til fornybar energi vore ein grunnstein for samfunnsutvikling i Sogn. Vår historie handlar om korleis samarbeid på tvers av geografiske barrierar bryt grenser og knyter oss saman.
Våre berekraftsmål
Våre berekraftsmål er valgt av våre tilsette, eigarar, leiarar og andre interessentar som ramme for det vidare arbeidet med berekraft.
Saman mot ei berekraftig framtid
Sognekraft er meir enn berre eit konsern. Sognekraft er ein sentral pådrivar for vekst og utvikling i regionen. Som utviklar av ny, framtidsretta infrastruktur og med fornybar energi som ein av våre kjerneverksemder, bidreg me til ei meir berekraftig framtid i Sogn.
Berekraft handlar samstundes om meir enn klimaomstilling.
Det handlar om korleis våre val i dag påverkar levekår for generasjonane som kjem etter oss, anten det gjeld miljømessige, menneskelege eller økonomiske forhold. Det handlar om å kollektivt, som individuelt, ta dei gode vala som tener fellesskapet på sikt.
I Sognekraft er me vårt ansvar medvitne.
Me veit at våre val i dag kan få konsekvensar for morgondagen. Gjennom berekraftig praksis ønskjer me å vera med på å forma ei levedyktig og rettferdig framtid i regionen, der alle våre felles ressursar vert teken godt vare på for komande generasjonar. Ved å staka ut ein god kurs, håpar me å inspirera andre til å ville gjera det same.
“Saman skapar me ein betre morgondag. Ikkje berre for oss sjølve, men også for dei som kjem etter”
Slik jobbar me med berekraft
Berekraft skal gjennomsyre dei små og store strategiane og vala me tek kvar einaste dag. I Sognekraft har me fire kjerneverdiar som er med på å byggje opp under dette; Påliteleg, Trivsel, Tryggleik og Nyskapande.
-
Å vera ein påliteleg og tillitsvekkande aktør er heilt avgjerande for vårt mandat til å vidareutvikla samfunnskritisk infrastruktur i retning av det grøne skiftet, i Sogn.
Våre kjerneverksemder er sentrale til klimaomstilling i vår region. Sognekraft forvaltar ca. 0,7% av den elektrisk fornybare krafta i Norge og jobbar for å auke mengda fornybar energi. Sognenett har ein svært høg dekningsgrad for fiber i regionen, og bidreg saman med Sognenett IT til ein fleksibel bu- og arbeidsregion med positiv effekt på transportbehov, effektivisering og digitalisering. Sygnir forvaltar ca. 1% av distribusjonsnettet i Norge (lokal- og regionalnett), og det er planlagt store investeringar det kommande tiåret for å imøtekoma det grøne skiftet.
-
Sogn skal vera ein god stad å leva og bu. Sognekraft styrkar trivsel og økonomisk tryggleik gjennom ein rekke engasjement i samfunnsretta tiltak og støttearbeid. Frå støtte til frivillige lag og organisasjonar til å leggja til rette for ein desentralisert arbeidsplass bidreg me til å skapa positive synergiar i lokalsamfunna våre.
Trivsel og tryggleik på arbeidsplassen er verdiar som forma korleis me organiserer oss. HMS-retningslinjer og god opplæring er med å sikra tryggleik, medan faglege og sosiale arrangement og fokus på likestilling og mangfald styrkar fellesskapet.
-
Sognekraft jobbar med å sikra rett kompetanse til regionen for framtida, gjennom tett samarbeid med utdanningsinstitusjonar og næringsliv. Skulebesøk og samarbeid med det lokale vitensenteret er og viktig for oss, og kan bidra til at fleire born og unge får augene opp for tekniske fag.
Våre eigarar ønskjer at overskot frå oss skal bidra til å sikra utvikling og ny investering i regionen. Bruk av lokale leverandørar genererar lokal verdiskaping og sysselsetting i samfunnet. For å bidra til ytterlegare lokal vekst og omstilling har Sognekraft etablert eit selskap i Sogn Utvikling, som jobbar med å tiltrekke ny grøn industri til regionen.
Kva er berekraft?
Berekraft handlar om leggja til rette for ei utvikling der ein kan imøtekoma behova våre i dag, utan å øydeleggja moglegheitene for framtidige generasjonar.
-
Dette handlar om å handtere klimakrisa og bevare naturen. Dette inneber menneskeskapte klimautslepp, forhindre global oppvarming og takle klimaendringar. Ein må òg ta vare på naturmangfaldet for å sikre eit sunt økosystem og ressursar for framtida.
-
Dette relaterer til å motverka fattigdom og sikra menneskerettar. Det handlar om å gje alle menneske ein sjanse til å leva eit verdig liv og påverke samfunnet sitt positivt. Dette inkluderer til dømes moglegheit til utdanning, anstendig arbeid, likestilling, kulturelt mangfald og helsevesen.
-
Dette handlar om å oppnå ein økonomisk vekst som er rettferdig og berekraftig. Grøn vekst er ein tilnærming som balanserer økonomisk aktivitet med omsyn til miljøet. Dette inkluderer mellom anna å minske ulikskapen mellom fattige og rike, og å sørge for at ein tek omsyn til naturen sine grenser.
Økonomiske,
forretningsetiske
forhold
Sosiale forhold
Klima og miljø
Forsterka regulering skal sikre mål
EU har sett ein ambisiøs tidsplan for å sikre at klimamåla blir nådd. Nye lover og reglar blir no utvikla i raskt tempo, og dette får også konsekvensar for norsk næringsliv. I praksis betyr dette at verksemder skal vera opne om korleis dei påverkar, eller blir påverka av, klima- og miljøendringar og andre samfunnsmessige forhold.
Sognekraft har sett i gang prosessar for å leggje til rette for implementering av nye lover og reglar, sikra at me opprettheld vår konkurransekraft, og ikkje minst fortsetja å bidra målretta til eit berekraftig samfunn. Eksempel på slike prosessar som engasjerar oss i dag:
Sognekraft har starta arbeidet med å gjennomføre dobbel vesentlegheitsanalyse i tråd med berekraftsdirektivet (CSRD). Analysa vil gi svar på kva område som er vesentlege å rapportere på for Sognekraft.
Åpenhetsloven
Åpenhetsloven (LOV-2021-06-18-99) skal fremje verksemders respekt for menneskerettar og anstendige arbeidsforhold i samband med produksjon av varer og levering av tenester. Lova skal og sikre allmenta tilgang til informasjon om korleis verksemder varetek slike rettar.
Aktsemdsvurderingar
Som ledd i dette skal verksemder som er underlagt lova gjennomføre aktsemdsvurderingar. Dette er ein stegvis prosess for å kartleggje, førebyggje, gjere greie for og følgje opp korleis verksemda handterer vesentlege negative konsekvensar/risiko for nemnde rettar.
Varetaking av menneskerettar og anstendige arbeidsforhold er viktig! Det er difor lagt ned eit stort arbeid i Sognekraftkonsernet med å gjennomføre slike aktsemdsvurderingar.
Aktsemdsvurderingane inngår i utgreiingar som ein finn vedlagt under kvart selskap:
-
Sognekraft AS er morselskapet i Sognekraftkonsernet og har sjølvstendig rapporteringsplikt etter lova. Selskapet si utgreiing finn du her.
-
Sognekraft Produksjon AS inngår i Sognekraftkonsernet og har sjølvstendig rapporteringsplikt etter lova. Selskapet har ikkje ei eiga nettside, og selskapet si utgreiing finn du difor her.
-
Leikanger Kraft AS er eigd 50 % av Sognekraft Produksjon AS, men er ikkje ein del av Sognekraftkonsernet. Selskapet har sjølvstendig rapporteringsplikt etter lova. Selskapet har ikkje eiga nettside, og selskapet si utgreiing finn du difor her.
-
Eventuelle spørsmål til korleis eitt eller fleire av verksemdene handterer faktiske og potensielle negative konsekvensar kan sendast til: [e-postadresse]. For eventuelle spørsmål som angår nettselskapet Sygnir AS vert det elles vist til Sygnir si nettside: www.sygnir.no.
Samstundes minnar me om at eit eventuelt krav om informasjon kan avslåast av følgjande grunnar som nemnt i Åpenhetsloven § 4. Lova er å finne her: https://lovdata.no/pro/#document/NL/lov/2021-06-18-99/%C2%A76
Etiske retningslinjer for leverandørar
I Sognekraft-konsernet verdset me tillitsbaserte samarbeid med partnarar som delar våre verdiar og forpliktingar til grunnleggjande menneskerettar og etisk praksis.
Klikk på denne lenka for å lese meir om Sognekraft sine etiske retningslinjer for leverandørar.
Berekraftsnytt
