< SAMFUNNSANSVAR
Klima, miljø og etikk
Klima og fornybar energi
Sognekraft set alltid inn ressursar til førebygging av flaum og ekstreme nedbørssituasjonar, dersom vêrvarslingane tilseier dette.
-
Klimaet er i stadig endring. No skjer endringane raskare, med varmare hetebølgjer og oftare ekstremnedbør enn tidlegare. Sognekraft har rusta organisasjonen for å takle slike klimaendringar. Me følger vêrmeldingane og har planar me set i verk når vi ser at det er fare for flaum i eitt eller fleire av vassdraga der vi har kraftverk. Me har mykje erfaring om kvart vassdraga, som byr på ulike utfordringar i tilfelle flaumsituasjonar.
Me gjer til ein kvar tid det me kan for å minimere konsekvensane for dei som bur kring vassvegane vi disponerer til utvikling av fornybar energi, slik at ein ikkje vert skadelidande.
-
Årøyvassdraget er det største vassdraget med Veitastrondsvatnet, Hafslovatnet og Årøyelvi. Vassdraget er utfordrande å regulere. I nedbørs- og smelteperiodar er det enormt store vassmengder som skal gjennom to trange passasjar; Soget mellom Veitastrondsvatnet og Hafslovatnet, og Stupshølen frå Hafslovatnet til Årøyelvi.
Sognekraft regulerar vassdraget innanfor strenge rammer, men i ekstreme tilfelle med smelting og/eller nedbør er det ikkje alltid me har nok verktøy til å hindra flaumsituasjonar.
-
Tappekapasiteten frå Veitastrondsvatnet til Hafslovatnet er utfordrande i ekstreme situasjonar. Maksimal tappekapasitet er på om lag 150 kubikkmeter vatn i sekundet, medan tilrenninga til Veitastrondsvatnet kan vere over 300 kubikkmeter i sekundet. I ekstreme situasjonar vert Veitastrondsvatnet tilført meir enn dobbelt så mykje vatn som det er mogleg å tappa ut. Same kor mykje føre var me er, og kor mykje me opnar lukene me rår over, er det i ekstreme situasjonar ikkje alltid nok til å hindra skadeflaum.
Me har to grenser å rette oss etter, høgste regulerte vasstand (HVR) og lægste reulerte vasstand (LVR). Det er klar grense for kor mykje me har lov til å tappe ut frå Hafslovatnet og Veitastrondsvatnet for å førebygge skadeflaum.
Me følger vassdraga våre med eigne overvakingssystem, og varsel frå Meteorologisk Intitutt og NVE (Noregs vassdrags- og energidirektorat) er avgjerande for korleis me styrer vassvegane. Det er svært vanskeleg å melde ekstremnedbør med god presisjon. Om ikkje vassdraget var regulert ville skadeflaumsituasjonar oppstått oftare og med meir alvorlege konsekvensar.
Vårt mål kvar time året rundt, er å gjera det me kan for å hindre skader som følger av ekstrem smelting og/eller ekstrem nedbør.
Åpenhetsloven
Åpenhetsloven (LOV-2021-06-18-99) skal fremje verksemders respekt for menneskerettar og anstendige arbeidsforhold i samband med produksjon av varer og levering av tenester. Lova skal og sikre allmenta tilgang til informasjon om korleis verksemder varetek slike rettar.
Aktsemdsvurderingar
Som ledd i dette skal verksemder som er underlagt lova gjennomføre aktsemdsvurderingar. Dette er ein stegvis prosess for å kartleggje, førebyggje, gjere greie for og følgje opp korleis verksemda handterer vesentlege negative konsekvensar/risiko for nemnde rettar.
Varetaking av menneskerettar og anstendige arbeidsforhold er viktig! Det er difor lagt ned eit stort arbeid i Sognekraftkonsernet med å gjennomføre slike aktsemdsvurderingar.
Aktsemdsvurderingane inngår i utgreiingar som ein finn vedlagt under kvart selskap:
-
Sognekraft AS er morselskapet i Sognekraftkonsernet og har sjølvstendig rapporteringsplikt etter lova. Selskapet si utgreiing finn du her.
-
Sognekraft Produksjon AS inngår i Sognekraftkonsernet og har sjølvstendig rapporteringsplikt etter lova. Selskapet har ikkje ei eiga nettside, og selskapet si utgreiing finn du difor her.
-
Leikanger Kraft AS er eigd 50 % av Sognekraft Produksjon AS, men er ikkje ein del av Sognekraftkonsernet. Selskapet har sjølvstendig rapporteringsplikt etter lova. Selskapet har ikkje eiga nettside, og selskapet si utgreiing finn du difor her.
-
Eventuelle spørsmål til korleis eitt eller fleire av verksemdene handterer faktiske og potensielle negative konsekvensar kan sendast til: [e-postadresse]. For eventuelle spørsmål som angår nettselskapet Sygnir AS vert det elles vist til Sygnir si nettside: www.sygnir.no.
Samstundes minnar me om at eit eventuelt krav om informasjon kan avslåast av følgjande grunnar som nemnt i Åpenhetsloven § 4. Lova er å finne her: https://lovdata.no/pro/#document/NL/lov/2021-06-18-99/%C2%A76
Etiske retningslinjer for leverandørar
I Sognekraft-konsernet verdset me tillitsbaserte samarbeid med partnarar som delar våre verdiar og forpliktingar til grunnleggjande menneskerettar og etisk praksis.
Klikk på denne lenka for å lese meir om Sognekraft sine etiske retningslinjer for leverandørar.