Ope informasjonsmøte på Årdalstangen om Offerdal kraftverk
Konserndirektør Erlend Bårgard i Sognekraft Produksjon var først ut med presentasjon under møtet.
OBS! Oppdatert 12.06, 2026, med kort møtereferat. Les opprinneleg artikkel lengre nede i saka.
Sognekraft Produksjon holdt 9. juni ope informasjonsmøte i samband med utbygginga av Offerdal kraftverk, på Samfunnshuset, Årdalstangen.
Her vart det delt informasjon frå både Sognekraft Produksjon og Veidekke om status og forventa framgangsplan i prosjektet, og det var ope spørsmålsrunde for publikum. I tillegg deltok Årdal kommune der ordførar Christian Sønstlien sa nokre gode og velvalgte ord innledningsvis.
Prosjektleiar Harald Fimreite i Sognekraft Produksjon med detaljane om prosjektet.
Sognekraft Produksjon takkar for oppmøte - og takk til Årdalsbaserte Tya Bakeri & Kafè som stilte med nydeleg bakst og nytrekt kaffi til møtet.
Det er oppretta ei eiga landingsside for prosjektet, der informasjon og relevante artiklar vil verte delt undervegs i prosjektet: https://www.sognekraft.no/offerdalkraftverk-1
Opprinneleg artikkel:
Sognekraft Produksjon starta denne våren utbygginga av Offerdal kraftverk, som etter planen skal setjast i drift innan utgangen av 2027. Gjennom byggjeperioden ønskjer me å halda lokalsamfunnet oppdatert om planar, framdrift og aktivitet i prosjektet.
Tysdag 9. juni klokka 18.00 inviterer me difor til ope informasjonsmøte i kinosalen på Samfunnshuset på Årdalstangen.
På møtet vil konserndirektør Erlend Bårgard i Sognekraft Produksjon og prosjektleiar Harald Fimreite orientera om utbygginga og status i prosjektet. Hovudentreprenør Veidekke vil også delta og informera om sitt arbeid. Presentasjonane vil samla vara i om lag éin time.
Etter presentasjonane vert det høve til å stilla spørsmål. Me oppmodar alle som har spørsmål, eller som ønskjer meir informasjon om prosjektet til å møta opp.
Det vert servert bakst frå Tya Bakeri og kaffi til møtet.
Vel møtt!
